樂樂vs奀豬

暑假快完了，樂樂的朋友仔"奀豬"趁仍有時間，來跟樂樂打打架先！



有小朋友一起玩, 樂樂當然好開心, 想嘴啖奀豬先.


嘴完後仲要"lam lam"腳指.


樂樂沒有咬奀豬, 不過就走去咬豬爸, 哈哈...



一起搶o下毛公仔先!

芝士南瓜鬆餅

樂樂又有口福啦，因芝士快過期，用埋佢整野給樂樂食先！右邊12件(合桃芝士鬆餅)是做給我們自已食的，中間四件是樂樂食的"芝士南瓜鬆餅"，及左邊樂樂很喜歡吃的"芝士南瓜燕麥餅".


不過做給自己食的"合桃芝士鬆餅"失了手, 裝得太滿, 流晒出來. 反而樂樂的大大件"芝士南瓜鬆餅"做得幾好.


合桃芝士鬆餅雖然外表做得差了一些, 不過好好味! 因加了糖, 鹽, 牛奶, 樂樂不可以吃, 他只可食大大件的芝士南瓜鬆餅了.

狗咬狗骨

樂樂又有好野食啦, 今次係狗骨形的芝士南瓜燕麥餅!


加了芝士, 果然香噴噴好多.


樂樂非常鍾意食, 流晒口水!



芝士南瓜燕麥餅

材料 :

1.南瓜 50g (去皮去籽後)- 百佳有售, 買最平的便ok, 都幾香幾甜, 約$4已有1磅.
2.即食燕麥片 20g - 桂格即食燕麥片, 百佳有售.
3.高筋麵粉 50g - 百佳有售, 藍色包裝, 寫著Strong white bread flour便是. 約$40, 1.5kg.
4.芝士 (隨意) - 用寵物芝士都ok, 2條左右, 切碎成小粒. (我用百佳牌車打芝士(澳洲), 要選低糖低鹽的. 0g Sugar, 530mg Sodium per 100g)

PS : 如想做其他蛋糕, 餅, 曲奇, 梳乎厘, 撻等, 大部份材料及器材, 可在"二德惠"買到 : http://www.twinsco.com/g_loc.php

做法 :

1. 把南瓜切成薄片, 放入水中煮10分鐘, 然後可拿出南瓜, 滴乾水放入碗中, 用匙壓成茸.
2. 把即食燕麥片加入南瓜茸中, 用手搓匀.
3. 用匙逐少加入高筋麵粉於南瓜燕麥團中再搓匀, 直至南瓜燕麥團不黏手為止 (慢慢加至約50g左右便不黏手).
4. 加入芝士碎再搓匀.
5. 放芝士南瓜燕麥麵粉團於砧板上, 然後壓成0.5-1cm厚, 再用餅模做形.
6. 焗爐鋪上錫紙, 預熱180c約15分鐘.
7. 預熱後放入餅, 再以180c焗20分鐘 (若17-18分鐘, 見餅面開始燶便可關爐).
8. 拿出放涼後便可慢慢食.

想整多些好野給狗仔食, 可看看:
http://hk.myblog.yahoo.com/homemade-dogfood

食乜好呢

發現樂樂近來經常肚痾的原因了, 昨天發現狗乾糧當中有些一點點的小蟲. 因小蟲太細隻, 不易察覺. 估不到放在保鮮盒也有蟲入到(或天氣熱, 乾糧"偶"出蟲來?), 以後都係把樂樂所有的食物都放入雪櫃內, 安全一些. 停了食有蟲的乾糧, 果然立即不再肚痾了.

不再肚痾的樂樂, 這幾天又可整好多好野給他食了, gogogo...


我乜都食o架, 除了蟲蟲...

燕麥南瓜餅

這兩天有時間, 又可整定些小食, 等樂樂過幾天慢慢食.

今次整了"燕麥南瓜餅", 因樂樂前一兩天都有點肚痾, 所以做了這較清淡些的小食, 沒油, 沒奶, 也沒芝士, 應比較易消化. 但今次有點失手, 焗燶了少少, 不過就算唔好食, 樂樂都要食o架啦, 嘿嘿!


給樂樂試食了一塊, 好彩他也好賞面把餅吃完.

Happy Birthday

哈哈, 樂樂終於一歲大了, 生日快樂呀!

我大個仔啦...


樂樂每月的大頭照. (由2009/09 - 2010/08, 左至右, 上至下) 一年來的樣子都差不多, 都是濛豬眼.


不過可能近排食得太多好野, 樂樂昨晚居然肚痾了一次.
唯有取消焗蛋榚給樂樂食的念頭, 這兩天只會給他食點清淡的食物. 等他清了腸胃後, 才整好野給他食啦!

芝士蛋撻

樂樂今晚又有好野食, 焗了幾件"芝士蛋撻"給樂樂食. 焗了出來, 真是香噴噴到不得了, 好彩右邊兩件是整給自己食(加了糖及用了牛奶), 今晚可以跟樂樂一起開餐了.

樂樂好梳乎

第一次用焗爐, 簡簡單單, 整了"芝士梳乎厘"比樂樂食. 只需2隻雞蛋加點車打芝士便ok. 焗了出來, 果然非常之香噴噴, 樂樂好梳乎便食了一個了.



過幾天便會試做個生日蛋糕, 希望成功啦! (不過就算整得唔好食, 樂樂都要食o架啦, 嘿嘿...)